Skip to main content

БЕШ ПАРМАКЪ

Пармакъларым беш дане,

Саярым дане-дане.

Эки къолымны къошсам,

Ола олар он дане.

Биринджисини, сен бакъ,

Буюк, къалын – Баш пармакъ.

Акъыл, тербие бере,

Ишарет пармакъ бизге.

Ортанджы, тим-тик тургъан,

Ады бар онынъ – Иман,

Янында исе – Адсыз,

Нарин, назик, первасыз.

Энъ кучюги – Чинатий,

Иш япа татий-татий.

Буюк онынъ иджады,

Памась, Сынъырча – ады.

Эписи олып – беш пармакъ,

Пармакъларынъ сайып бакъ,

Чешит тюрлю фаалиет,

Бер оларгъа эмиет.

Эмине УСЕИН