ФОКУС-МОКУС ТЫЛСЫМЛЫ ПОРТАКЪАЛ

Къолунъа портакъал ве аллы-гуллю явлукъ ал, аркъадашларынъ бир элинъде портакъал, бир элинъде явлукъ олгъаныны корьсин.

Портакъалнынъ устюни явлукънен къапат ве сиирли сёзлерни (заклинание) айт.

Эминликнен явлукъны алып ташла ве онъынъ ичинден … алма чыкъар!

– Машалла! Я сен портакъалны къанфетке чевирип олурсынъмы?

ФОКУСНЫНЪ СЫРЫ

Фокусны япмакъ ичюн эвельден азырланмакъ керек. Портакъалнынъ бир четини мукъайтлыкънен кесип, къабугъыны чыкъар, онынъ ичине алманы къой. Гизли мейваны ойле тут ки, аркъадашларынъ бир шей дуймасын. Элинъни явлукъ ичине сокъкъанда, алманы портакъал къабугъын­дан тез-тез чыкъар, «делильни» (улика) исе явлукъ ичине сакъла. Азырлан!