1817 сенеси немсе адамы Карл Дрез озю юрьген машина ясагъан. Онынъ адыны ойле де къойды: «юрьген машина». Бу машинанынъ отургъычы, дюмени ве эки копчеги бар эди. Копчеклер первазгъа япыштырылды. Бойле машинанынъ тезлиги бир саатте 15 километрни тешкиль этти.
1861 сенеси френк Пьер Мишо аякълар ичюн махсус баскъыч ясады. Баскъычлар биринджи копчекнинъ ортасында олгъан кочерине къошулды. Оларгъа де бир аякънен, де дигер аякънен баскъанда, машина юрьмеге башлай эди.
Машинанынъ адыны велосипед (латиндже velox – тез ве pes – аякъ) къойдылар.
Еди йылдан сонъ баскъычлар аякъ ичюн къолайлаштырылды ве машинанынъ ортасына чекильди. Арт ве ог копчеклери зынджыр иле багъланды. Сонъ исе искоч (шотланд) Джон Денлоп копчекке ава толдурылгъан чувал (камера) ве устюне резнадан къабукъ ясады. Бойле этип шиналар пейда олды.