Иш ичюн керек оладжакъ шейлер:
5,5 х 24 см буюкликте беяз картон парчасы;
5 х 11,5 см буюкликте ресимнен безетильген кягъыт парчасы;
2 дане чешит тюслю картондан дёрткошелик:
4х4 см ве 4,5 х 4,5 см буюкликте, шерит (лента); боюнджакъ я да уфакъ чечечиклер;
туткъал (клей) я да кенъ эки тарафлы скотч.
- 5,5 х 24 см буюкликте беяз картон парчасыны экиге буклеймиз.
- Онынъ бир тарафына 5 х 11,5 см буюкликте ресимнен безетильген кягъыт парчасыны туткъал я да эки тарафлы скотчнен япыштырамыз. Бу тебрикнаме (открытка) оладжакъ.
- Уфакъ дёрткошеликни (4 х 4 см) шеритнен яраштырамыз, бахшышны багълангъан киби багълаймыз.
- Безетильген дёрткошеликни балабанджа дёрткошелик (4,5 х 4,5см) устюне япыштырамыз.
- Азырлангъан «бахшыш»ны тебрикнамеге япыштырамыз.
- Тебрикнамени боюнджакънен я да чечеклернен безетемиз.