Skip to main content

ФЫСТЫКЪ ТЕРЕГИ

Фыстыкъ – пек лезетли ве файдалы емиш. Шаркъта о эки ярым бинъ йылдан берли севимли аштыр. Фыстыкъ къуветни арттыра ве болдурувны ала. Дженюбий мемлекетлерде онъа урьмет иле «омюр тереги», емишине исе «тылсымлы джевиз», дейлер.

Фыстыкънынъ къабугъыны котерип атмагъа ашыкъманъыз, о чешит дюльбер ве озьгюн сувенирлернинъ ясамасында ярдымджы ола биле.

  1. Фыстыкъ къабугъыны топланъыз.
  2. Терек ясамакъ ичюн келишкен пытакъны азырланъыз.
  3. Къаверенки пластилинден джевиз буюклигинде томалакъ ясанъыз. Фыстыкъ къабукъларыны, сюйрю тарафыны тёпеге бакътырып, онъа санчынъыз.
  4. Къабукъаларны бири-бирине якъынджа, тёгерек бою, шахмат тертибинде санчымакъ керек. Тёпелерини чешит тарафларгъа бираз ачмалы.
  5. Сонъунадже 2-3 сыра къалгъанда, томалакъны пытакъкъа санчынъыз. Пластилин корюнмесин деп, сонъки сыраларны толдурынъ.
  6. Даа эки бунъа ошагъан, лякин бираз уфакъча ве бираз буюкче томалакъны айны азырлап, пытакъларгъа отуртынъ.
  7. Терекке бардакъ ясамакъ ичюн бир къач къуру пытачыкъны бир ольчюде кесип азырланъыз. Пластилинден истеген буюкликте цилиндр япынъ. Онъа къаршы пытачыкъларны тизип чыкъынъ (пластилинге батырып).
  8. Азыр терекни шу бардакъкъа отуртынъ, керек олса, тюзетинъ ве йип, шпагат я да тасма иле багъланъ. Терек «оськен» «топракъ»къа ёсун тёшенъ.