КЪЫРЫМНЫНЪ КЪОБАЛАРЫ

КЪЫЗЫЛ КЪОБА (Красная пещера)

Къырымнынъ энъ буюк къобасыдыр (52600м²). Чатыр-Дагънынъ этегинде ерлешкен. Онынъ тюбюнден Сув-учкъан озени акъа. Эски заманларда бу къобада къадимий инсанлар яшагъан.

 

МЕРМЕР-КЪОБА (Мраморная пещера)

Дюньяда энъ дюльбер къобадыр. О да Чатырдагънынъ этегинде ерлешкен. Ичиндеки ташлар масал къараманларыны анъдыра. Дюльберден-дюльбер таш учансувлары ве перделери, голлер ве инджиге ошагъан къумлары оны Авропада энъ танылгъан къобалардан бири япа.

 

ЭМИНЕ-БАИР-ХОСАР

Авропанынъ энъ муджизели къобаларындан бири. Чатыр-Дагънынъ этегинде ерлешкен. Онынъ ичинде палеонтология музейи бар, чюнки мында пек чокъ мамонт, тюклю керкедан, къоба арсланы ве дигер къадимий айванларнынъ кемиклери яхшы сакълангъан.

 

СКЕЛЕ КЪОБАСЫ (СКЕЛЬСКАЯ ПЕЩЕРА)

Къырымда энъ юксек къобалардан биридир. Онынъ ичине докъуз къатлы эв сыгъа биле. Байдар вадийсининъ дагъларында ерлешкен. Бу къоба сувнен ювып чыкъарылмагъан – о, кучьлю зельзеле вакътында ер чатлагъанда пейда олды.

 

КИЙИК-КЪОБА

Дюньяда белли олгъан къобалардан бири, чюнки бу инсанлар яшагъан энъ къадимий ер. О, Къырымда адамлар 100 бинъ йыл эвель пейда олгъаныны исбатлай. Ичинде пек чокъ авда ольдюрильген айванларнынъ ве чешит къушларнынъ кемиклери, къадимий инсанларнынъ эмек алетлери тапылды. Бу къоба Зуя къасабасынынъ дживарында ерлешкен.

 

ТЮПСЮЗ-ХОСАР (Бездонная пещера)

Къырымда энъ терен къуюдыр. Къурт Баир янында, Чатыр-Дагънынъ этегинде ерде чукъур ачыла. Тюбюне тюшмек ичюн 195 метр йип керек. Язда биле ичинде буз ола.

 

УЧЬ УДЖЛУ-ХОСАР (Ёлочка)

Энъ тик къоба. Онынъ ичине кирмек ичюн къуюгъа энмек керек. Ичиндеки къобалар къат-къат тюшелер. Чатыр-Дагънынъ этегинде, Тюпсюз-Хосар янында ерлеше.

 

ГОГЕРДЖИН-КЪОБА

Энъ юксекликте (денъиз боюндан 785м) ерлешкен къоба. Къызыл-Къобаннынъ тёпесинде, дагъ ичиндедир. Кирмек ичюн къуюгъа энесинъ. Ичиндеки буюк къоба алты одагъа болюншген. Тюбюнде гольчиклер бар.

 

АЛИМ КЪОБАСЫ (Алимова пещера)

Халкъымыз арасында энъ мешур къоба, чюнки мында къырым йигити, эфсаневий Алим-Айдамакъ чар жандармларындан сакълана эди. Киришиндеки буюк ташлар ана-мына тюшип эзерим, деп тура. Онынъ ичюн адамлар ичине кирмеге сакъынгъан. Къоба Акъмесджитнинъ дживарында ерлершкен.