1817 senesi nemse adamı Karl Drez özü yürgen maşina yasağan. Onıñ adını öyle de qoydı: “yürgen maşina”. Bu maşinanıñ oturğıçı, dümeni ve eki köpçegi bar edi. Köpçekler pervazğa yapıştırıldı. Böyle maşinanıñ tezligi bir saatte 15 kilometrni teşkil etti.
1861 senesi frenk Pyer Mişo ayaqlar içün mahsus basqıç yasadı. Basqıçlar birinci köpçekniñ ortasında olğan köçerine qoşuldı. Olarğa de bir ayaqnen, de diger ayaqnen basqanda, maşina yürmege başlay edi.
Maşinanıñ adını velosiped (latince velox – tez ve pes – ayaq) qoydılar.
Yedi yıldan soñ basqıçlar ayaq içün qolaylaştırıldı ve maşinanıñ ortasına çekildi. Art ve ög köpçekleri zıncır ile bağlandı. Soñ ise iskoç (şotland) Con Denlop köpçekke ava toldurılğan çuval (kamera) ve üstüne reznadan qabuq yasadı. Böyle etip şinalar peyda oldı.