İş içün kerek olacaq şeyler:
5,5 h 24 sm büyüklikte beyaz karton parçası;
5 h 11,5 sm büyüklikte resimnen bezetilgen kâğıt parçası;
2 dane çeşit tüslü kartondan dörtköşelik:
4h4 sm ve 4,5 h 4,5 sm büyüklikte, şerit (lenta); boyuncaq ya da ufaq çeçeçikler;
tutqal (kley) ya da keñ eki taraflı skotç.
1. 5,5 h 24 sm büyüklikte beyaz karton parçasını ekige bükleymiz.
2. Onıñ bir tarafına 5 h 11,5 sm büyüklikte resimnen bezetilgen kâğıt parçasını tutqal ya da eki taraflı skotçnen yapıştıramız. Bu tebrikname (otkrıtka) olacaq.
3. Ufaq dörtköşelikni (4 h 4 sm) şeritnen yaraştıramız, bahşışnı bağlanğan kibi bağlaymız.
4. Bezetilgen dörtköşelikni balabanca dörtköşelik (4,5 h 4,5sm) üstüne yapıştıramız.
5. Azırlanğan “bahşış”nı tebriknamege yapıştıramız.
6. Tebriknameni boyuncaqnen ya da çeçeklernen bezetemiz.