BÜYÜK İŞANÇ
“Armançıq” – büyük işanç,
Ketire bizge quvanç,
Tilime sevgi aşlay.
Dünyalarnı bağışlay.
Üstünde yoq bir leke,
Bilgi nurların töke,
Sanki dersiñ, küneşim,
Vatan içün küreşim!
Emine Üsein
NASIL GÜZEL MANZARA!
Baar keldi Qırımğa,
Keri qaldı ayazlar.
Kervan kibi kökte keze,
Avelene bulutlar.
Qarlı yeller savuşqan soñ,
Küneş işke kirişe.
Ana kibi dağ-çöllerni
Bağrına basıp, öpe.
Nebatatlar yer tübünden,
Sozulıp kökke baqa.
Çeşit-türlü çeçek, güller,
Yüreklerni coştura.
Emeksever balqurtçıqlar
Tınmay, ep çalışalar.
Mis qoqulı çeçeklerden
Bal toplap, uçuşalar!
Cılğalarda kimdir yırlay,
Bostorğaylar uçuşa.
Yuva yasap, sırdaşalar,
Nasıl güzel manzara!
Ekrem Ğafarov