Küneş işine çıqtı,
Altınnı yerge septi,
Etrafnı aydınlattı:
Evlerni ve toğaynı.
Dilâver Settarov, Milliy akademik teatrimizniñ yetekçi aktöri, Ukrainada nam qazanğan artist.
AQ MAÑLAY
Babam aldı maña tay,
Adın qoydım “Aq mañlay”.
Üstüne minip kezem,
Er sözümni o añlay.
Yunus QANDIM
Qırım – bizim evimiz,
Küneşimiz, kökümiz.
Qırım – bizim ilimiz,
Nefesimiz, tüşümiz. Read More
Küneşçik, küneşçik,
Sarı başlı ateşçik.
Kel, beraber oynayıq,
Kelçi, türkü yırlayıq.
Kelçi, canım küneşçik,
Sarı başlı küneşçik,
Qumdan evçik qurayıq
Ve onı qızdırayıq.
Sap-sarı çipçeçikler
Anasınen yüreler.
Dünyanı bileyim – dep,
Etrafnı ögreneler.
Kiçkene çipçeçikler
Küneşni pek seveler.
Amma oynap bezgen soñ,
Evge çapıp keteler.