FISTIQ TEREGI

Fıstıq – pek lezetli ve faydalı yemiş. Şarqta o eki yarım biñ yıldan berli sevimli aştır. Fıstıq quvetni arttıra ve bolduruvnı ala. Cenübiy memleketlerde oña ürmet ile “ömür teregi”, yemişine ise “tılsımlı ceviz”, deyler.

Fıstıqnıñ qabuğını köterip atmağa aşıqmañız, o çeşit dülber ve özgün suvenirlerniñ yasamasında yardımcı ola bile.

1.      Fıstıq qabuğını toplañız.

2.      Terek yasamaq içün kelişken pıtaqnı azırlañız.

3.      Qaverenki plastilinden ceviz büyükliginde tomalaq yasañız. Fıstıq qabuqlarını, süyrü tarafını töpege baqtırıp, oña sançıñız.

4.      Qabuqalarnı biri-birine yaqınca, tögerek boyu, şahmat tertibinde sançımaq kerek. Töpelerini çeşit taraflarğa biraz açmalı.

5.      Soñunace 2-3 sıra qalğanda, tomalaqnı pıtaqqa sançıñız. Plastilin körünmesin dep, soñki sıralarnı toldurıñ.

6.      Daa eki buña oşağan, lâkin biraz ufaqça ve biraz büyükçe tomalaqnı aynı azırlap, pıtaqlarğa oturtıñ.

7.      Terekke bardaq yasamaq içün bir qaç quru pıtaçıqnı bir ölçüde kesip azırlañız. Plastilinden istegen büyüklikte tsilindr yapıñ. Oña qarşı pıtaçıqlarnı tizip çıqıñ (plastilinge batırıp).

8.      Azır terekni şu bardaqqa oturtıñ, kerek olsa, tüzetiñ ve yip, şpagat ya da tasma ile bağlañ. Terek “ösken” “topraq”qa yosun töşeñ.