Qurtasançıq arandaki
Taynı şay dep çağıra:
– Güzel tayçıq, yahşı tayçıq,
Kel ekimiz oynaşayıq,
Tarlalarda çapışayıq.
Lâkin minsem üstçigiñe,
Yügen qoysam başçığıña,
Güzel tayçıq, açuvlanma,
Dostçığıñnı alıp qaçma.
Guzul tayçıq Qurtasanğa
Közin tikip şay bağıra:
– Qurtasançıq, Qurtasançıq,
Bizler içün yollar açıq.
Ekimiz de yaş balamız,
Büyümekniñ yolundamız.
Sen ket özüñ mektebiñe,
Men keteyim çöllerime.
Olayıq biz ağır-ağır,
Sen bir yigit, men bir ayğır.
Mecit qartbaba Mambetov, 85 yaşında