Sazağan aqqında malümatnı ilk kere milâttan evel II asırdaki Çinde (Kitay) tapmaq mümkün. Yazılğanına köre, onı pek qolay yapmaq mümkün. Biz qadimiy çinlilerden üner alıp, zemaneviy sazağannı kökke uçuracaqmız.
Kerek olacaq şeyler:
50 sm ve 30 sm uzunlığında 2 ince çıta (reyka), çeşit qalınlıqta qaviy yipler, skotç, tutqal, kalka ya da polietilen paketi, marker.
1. Çıtalarnıñ qısqasını ortalap, uzunını kenardan 15 sm çekilip, has şekilinde bağlaymız. Bu sazağannıñ negizi olacaq.
2. Çıtalarnıñ çetlerinde teren olmağan alqa kesip çıqaramız ve bu alqalarğa ince yip bağlap, dört tarafını qoşamız. Yaratılğan dörtköşelik üstüne kâğıt çekilecek.
3. Sazağanğa ince kâğıt ya da polietilen paketini açıp kermege mümkün. Yengil sazağan yahşıca uça. Şekilge köre biraz artqaçını qaldırıp, şu kâğıtnı kesip çıqaramız. Soñ negizine yapıştıramız.
4. Shemağa baqıp, çetlerine ince yip bağlaymız (qaviyce tursın dep, daa skotçnen yapıştırmaq mümkün).
5. Asılıp qalğan yiplerni bir yerge ketire ve buğumlaymız. Şu buğumğa qalın yip (leyer) bağlaymız. Leyerni qolda tutacaqmız. O, uzun olmalı.
6. Sazağannıñ süyrü köşesine skotçnen (D noqtası) şerit ya da kâğıttın quyruq bağlaymız.
7. Sazağannı markernen yaraştıramız.