Qadimiy zamanlardan berli adamlar şemsiyenen faydalanğanlar. Ustalar olarnı qamış ve palma yapraqlarından yasağanlar.
Avropada şemsiyeni ilk olaraq 1756 senesi Cons Henvey adlı insan qullanğan. Birinci şemsiye ağır (4,5 kg) ve qolaysız olğan. Onıñ saçaqlarını büyük balıqnıñ kemikleri tuta edi.
Bir vaqıtları şemsiyeler öyle bir mot edi ki, atta şemsiye taşıyıcıları zenaatı peyda olğan. Olar yağmurlı avada adamlarnı ozğara ediler.
Adamlar bu adiy şeyni çoq kere deñiştirgenler. Şimdi biz eki, üç kere qatlanğan avtomatik şemsiyelernen faydalanamız.
Bazıda şemsiyeni pek meraqlı vazifelerde qullanğanlar. XIX asırda ondan şemşekqaytar (gromootvod) yasağanlar.
HH asırda qadınlarğa şemsiyeni aydutlardan qorçanlamaq vastası kibi teklif etkenler. Qadın, ücüm etkenge qarşı şemsiyeni doğrultıp, sapqa basqanda, ağlatqan gaz fışqırğan. Keşfiyatlar (izobreteniye) sırasında sevdalar içün qoşmaq (eki dane qoşulğan) şemsiye de bar.
Lâkin onıñ eñ birinci ve esas vazifesi bugün de müim ve faydalı.