Skip to main content

ШЕМСИЕ

Къадимий заманлардан берли адамлар шемсиенен файдалангъанлар. Усталар оларны къамыш ве пальма япракъларындан ясагъанлар.

Авропада шемсиени ильк оларакъ 1756 сенеси Джонс Хенвей адлы инсан къуллангъан. Биринджи шемсие агъыр (4,5 кг) ве къолайсыз олгъан. Онынъ сачакъларыны буюк балыкънынъ кемиклери тута эди.

Бир вакъытлары шемсиелер ойле бир мот эди ки, атта шемсие ташыйыджылары зенааты пейда олгъан. Олар ягъмурлы авада адамларны озгъара эдилер.

Адамлар бу адий шейни чокъ кере денъиштиргенлер. Шимди биз эки, учь кере къатлангъан автоматик шемсиелернен файдаланамыз.

Базыда шемсиени пек меракълы вазифелерде къуллангъанлар. XIX асырда ондан шемшеккъайтар  (громоотвод) ясагъанлар.

ХХ асырда къадынларгъа шемсиени айдутлардан къорчанламакъ вастасы киби теклиф эткенлер. Къадын, уджюм эткенге къаршы шемсиени догърултып, сапкъа баскъанда, агълаткъан газ фышкъыргъан. Кешфиятлар (изобретение) сырасында севдалар ичюн къошмакъ (эки дане къошулгъан) шемсие де бар.

Лякин онынъ энъ биринджи ве эсас вазифеси бугунь де муим ве файдалы.