Skip to main content

ВАСФИЕ КЪЫПЧАКЪОВА


НАРГЮЗ

Саарь чыкъны юта,

Белини къатты тута,

Портакъал ренк Наргюзим,

Тиймесин санъа козюм.


ЭРЫЛГЪАН

Тюсю мор, эрик дегиль,

Бою бар, терек дегиль,

Салкъым-салкъым чечеги,

Къокъулы юзюм дегиль.

Онынъ ады Эрылгъан,

Озю баарьде догъгъан,

Чечек ача пек эрте,

Гонъюллерни шенъ эте.


ЛЯЛЕ

Чечеклерни бирер къаде,

Осе олар дане-дане.

Кунеш чыкъса, алланса,

Ель ельпирсе, саллана.


МЕЛЕВШЕ

Къокълап сени тоймайым,

Тюсюнъденъ айланайым.

Сен де, мен де къырымлы,

Ватандашынъ олайым.


СУСАМ

Чечеклерим чокъ тюрлю,

Мор, беяз, я сарылы,

Чокъ балалым, гонъджели,

Уджчыкъларым бурьмели.


МАМАТЕКЕ

Маматекечик –

Сары гъоньджечик,

Оссе, кие о

Беяхз антерчик.

Ельчик уфюре,

Аппакъ копюре.

О, ельнен кене

Уча да кете.