Kerçekten de qış keldi,
Qar yata oba-oba…
Qarğa qaravul qoydıq –
Balaban bir Qarbaba!
Qırımnıñ sert yelleri
Gece uvuldamasın,
Kiysettik oña qalpaq –
Taz başı buzlamasın!
Eki kömür parçası –
Körum dep, ağlamasın.
Sim-siya eki közü –
Közleri buzlamasın!
Künniñ sers vaqıtında
Sümükleri aqmasın.
Burunı – qızıl havuç,
Burunı buzlamasın!
Qarbaba bekçilikte.
Çalışsın, erinmesin…
Berdik qoluna tayaq –
Baarge yol bermesin!
Nuzet Ümerov