KÖPEGİM VE MIŞIĞIM

Köpekni aşatacam,

Kemik oña atacam.

Köpekni men pek sevem.

Kimsege onı bermem.

Mışıqnı da pek sevem.

Ve onı men bekleycem.

Azbardan o qaytacaq,

Aş menden o soraycaq.

Sevimli ayvanlarım,

Olar menim dostlarım!!!

Mışıqnıñ adı Qaplan,

Köpekke Simba aytam.

Ayder Memetov, 8 yaşında, Sarabuz köyü

EKİ SABAN

Demirci biri-birine oşağan eki dane saban (plug) yasay. Bir sabannı ustahanesinde qaldırıp, ekincisini arabağa yüklep tarlağa yer qazmağa kete. Bir qaç künler çalışqan soñ, çalışqan saban pek dülber, kümüşday yıltırağan saban ola, amma ustahenede turğan saban qarara ve totlana. Biraz vaqıttan soñ, eki saban biri-birinen körüşeler.

Read More

КЪАЛАЧ

Отурттым кузьде къалач,

Чалдым онъа «варирач».

Къашкъаш септим ве шекер,

Къоркъуздым оны – эгер

Тез-тез осьмесенъ, къалач,

Сеперим аджджы илядж!

Read More

ALİM AZAMAT OĞLU

Er bir halqnıñ öz milliy qaramanları bar. Qırımtatarlarnıñ böyle qaramanlarından biri – Alim Azamat oğlu. O, 19 asırnıñ başında Qarasuvbazar yanındaki Köpürliköyde doğğan. Halq arasında oña Aydamaq da degenler. Bu ad qaramanlıq, cesürlik ve adaletliknen bağlıdır. Halq Qırım Robin Gudı – Alim aqqında efsane ve yırlar uydurğan.

Read More