ADILE BERBEROVA


Büyük-onlar qasabası

Selâm aleyküm, “Armançıq” mecmuası. Sizge Adile Berberova yaza. Ailemnen beraber Büyük-Onlar qasabasında yaşaymız. Men Büyük-Onlar gimnaziyasında oquyım. Edebiyat derslerini pek sevem ve özüm de şiirler yazam. Yedi yaşında olğanda qırımtatar tilinde yazğan şiirlerimni “Küneş nurları” programmasında oqudılar. Rus tilinde yazılğan şiirlerimni “Ögni mayaka” gazetasında bastılar. Sizge de bir qaç şiirimni bağışlamağa isteyim.


ANAMA OŞADIM

Men anama oşadım,

Men de ekim olacam.

Saba  turıp ezanda,

İşke tez-tez baracam.

Hastalarnı baqacam,

İlâc olarğa yazacam.


DOSTLARIM

Menim dostum Emine,

Safiye ve Alime.

Pek dülberdir bu qızlar,

Mektepke bir baralar.

Çoq kitaplar oquylar,

Er kün namaz qılalar.

Büyüklerni sayalar,

Çoq sevap qazanalar.


MENİM KADEM 

Men kademni pek sevem.

Azbarlarda gezdirem.

Temiz anter kiydirem,

Lezetli aşlar berem.

Anam ayta maşalla,

Yardımcı olduñ maña.


ÇEÇEK

Azbarda çeçek saçtım,

Ösip çıqtı pek dülber.

Keçken adam suqlana,

Maşalla deyler maña.