Skip to main content

ALİM AZAMAT OĞLU

Er bir halqnıñ öz milliy qaramanları bar. Qırımtatarlarnıñ böyle qaramanlarından biri – Alim Azamat oğlu. O, 19 asırnıñ başında Qarasuvbazar yanındaki Köpürliköyde doğğan. Halq arasında oña Aydamaq da degenler. Bu ad qaramanlıq, cesürlik ve adaletliknen bağlıdır. Halq Qırım Robin Gudı – Alim aqqında efsane ve yırlar uydurğan.

Alim adamlarnı milleti ve dinine köre ayırmağan, er keske yardım etken, fuqarelerni qorçalağan, hırsız, yalancılarnı cezalağan. Onıñ eñ sadıq dostu – Tozla toru – atı onı duşmanlardan alıp qaçqan. Halq Alimni sevgen ve qorçalağan.

Akimler Alimniñ küçü onıñ halqında olğanını pek yahşı añlağan. Alimniñ namuslığı, merhametligi, halqına olğan sevgisi er bir yañı nesil içün nümünedir. Alim Azamat oğlu – qırımtatar halqınıñ tarihına kirgen milliy qaramandır!