АЛИМ АЗАМАТ ОГЪЛУ

Эр бир халкънынъ озь миллий къараманлары бар. Къырымтатарларнынъ бойле къараманларындан бири – Алим Азамат огълу. О, 19 асырнынъ башында Къарасувбазар янындаки Копюрликойде (Черемисовка) догъгъан. Халкъ арасында онъа Айдамакъ да дегенлер. Бу ад къараманлыкъ, джесюрлик ве адалетликнен (справедливость) багълыдыр. Халкъ Къырым Робин Гуды – Алим акъкъында эфсане ве йырлар уйдургъан.

Алим адамларны миллети ве динине коре айырмагъан, эр кеске ярдым эткен, фукъарелерни къорчалагъан, хырсыз, яланджыларны джезалагъан (карал). Онынъ энъ садыкъ (верный) досту – Тозла тору – аты оны душманлардан алып къачкъан. Халкъ Алимни севген ве къорчалагъан.

Акимлер Алимнинъ кучю онынъ халкъында олгъаныны пек яхшы анълагъан. Алимнинъ намуслыгъы, мерхаметлиги, халкъына олгъан севгиси эр бир янъы несиль ичюн нумюнедир. Алим Азамат огълу – къырымтатар халкъынынъ тарихына кирген миллий къарамандыр!