“ANAM”
Men anamnı pek sevem,
Menim anam pek dülber.
Mektepten çapıp kelem,
Quçaqlar meni eller.
Anamnıñ çeber elleri
Er şey yapa bileler.
İşten boldurıp kelse de,
Em pişire, em tikeler.
Anam işten keç qaytsa da,
Er şeyge vaqtı yete,
Maña da vaqıt tapıp,
Dersime yardım ete.
Men de çette turmayım,
Çamaşır, savut yuvam,
Em de güzel baalarnen
Anamnı quvandıram.
Nayle Seydametova, Çoyunçi (Urojaynoye) köyü
“LÂLE”Nİ ER KES SEVE
“Lâle”, seni candan seveler
Balalar ve analar,
Er kün seni körmek isteyler,
Seniñle bağlı arzular.
“Lâle” kanalı ile
Bilgi alıp ösemiz,
Medeniyet, tilimizni
Biz sennen ögrenemiz.
Kün sayın yayınlarıñ
Bizde meraq doğura,
Sensiz yaşap olamayım,
Er kün seni qıdıram.
Yaşa bizim bahtımızğa,
Çoq yıllar devamında.
Quvandırıp, şeñlendir sen
Bizni Ana Vatanda.
Leniye Haybullayeva, Çoyunçi (Urojaynoye) köyü