Kerek şeyler: mısırboğday tayaçıqları, sarı yağ, 1 qutu qoyurtılğan süt.
Azırlamaq usulı:
1. Buzdolaptan sarı yağnı çıqarıñız, o yımşaq olmaq kerek.
2. Mısırboğday tayaçıqlarını oqlav ya da eliñiznen ufatıñız. Ufaqlarnıñ bir qısmını bulğalamaq içün qaldıramız.
3. Mısırboğday ufaqlarına qoyurtılğan sütniñ bir qısmını ve yağnıñ yarım paçkasını parçalap qarıştırı¬ñız. Qarışma quru olsa, bir parça yağ ve süt qoşmaq mümkün.
4. Qarışmadan tomalaçıqlar yasap, olarnı mısırboğday ufaqlarında bulğalaymız ve tabaq üstüne tizemiz.
5. Azır çipçelerni 30 daqqağa buzdolapqa qoyamız.
6. Özümiz ise çipçe közçikleri ve burunları içün krem yapamız. Kremni qalğan qoyurtılğan süt ve yağdan yapamız. Közçiklerge biraz – kakao, burunlarnıñ tüsü başqa olğanını isteseñiz, aşayt boya qoşuñız.
7. Çipçelerni buzdolaptan çıqarıp, bezetemiz ve kene buzdolapqa 1,5 saatke qoyamız.
Çipçe burunlarını aşçılıq şpritsi olmasa da, yapmaq mümkün. Tsellofan torbaçığınıñ bir köşesini (10h10) kesip, onıñ ucunda teşik yapamız, torbaçıqqa krem qoyıp, burunçıqlar şeklinde kremni basıp çıqaramız.