Skip to main content

EÑ İKMETLİ ŞEY NEDİR?



Masal

Bir zamanda bar eken, bir zamanda yoq eken. Qırımnıñ acayip köyünde bir qart yaşay eken. Onıñ Edem, Ayder, Alim ve Bekir degen oğulları bar eken.

Künlerden bir kün qart balalarını çağıra ve olarğa böyle nasiat ete: – Evlâtlarım, dünyanı körüñiz. Özüñizge eñ qıymetli birer şey alıñız, – dey. Büyük oğlu Edem özüne sandıq ala, ekinci oğlu Ayder – cezve, Alim – eski bir saat, küçügi Bekir ise – Quran alalar.

On yıl devamında olar bütün dünyanı aylanıp, evge qaytalar. Er bir oğul öz yaşayışı aqqında ikâye ete.

Edem sandıqtaki altınlarnı satqan. Balaban ev qurğan. Paalı araba alğan, amma ahır-soñu bir şeyden zevq almay, özüni yañğız ve bahtsız is etken.

Ayder qavehane açqan, baqırdan yasalğan cezvede qave pişirip, musafirlerni qarşılap, on yıl devamında oynap-külip yürgen. Amma onıñ da göñlü raat olmağan.

Alim balaban eski qıymetli saatnı satqan. Bu paraga tükân açqan. Çoq para qazanğan, amma paralar oña baht ketirmegen.

Bekir ise Quran oqup, Allanıñ emirlerini yerine ketirgen, daima eyilik yapqan, yasaqlardan uzaqlaşqan ve on yıl devamında bahtlı ömür keçirgen.

Masalnıñ manası şu ki, esas zengilik – göñül zengilligidir. Aqiqiy degerlikler, zaman keçse de, öz qıymetini coymayıp, daa da çoq qıymetli olalar. Allanıñ sözüne qulaq asıp, onıñ emrini yerine ketirseñ, bahtlı olursıñ.