Türkiye.
Oquv yılı sentâbrniñ ortasında başlana ve mayısnıñ soñunda bite. Yılnıñ ortasında, fevral ayında talebeler eki aftalıq qışlıq tatilge çıqalar.
Zemaneviy balalar tatillerde internet ile eglene ve faydalanalar. Çünki oquv vaqtında olarğa böyle bolluq yasaq etile.
Bazı balalarnı çeşit maqsatlı lagerlerge yollaylar. Meselâ, til lagerlerinde balalar künde bir qaç saat tillerni ögreneler, soñ ise raatlanalar.
Yapon.
Oquv yılı aprelde başlana ve üç semestr-ge bölüne, er birinden soñ 2-3 aftalıq tatil ola – baarde ve qışta, em de eñ uzun, bir aylıq tatil – yazda.
Tatil vaqıtında balalar oquvnı taşlamayıp, qoşma derslerge qatnaylar. Olarda sınıfnen çeşit ekskursiyalarğa barmağa pek mot.
Amerika qoşma ştatları.
Tatil vaqtını er ştat (devlet) özüncesine belgiley. Lâkin yaznıñ bir qısmı ve qışlıq bayramlarda memleketteki episi talebelerde mıtlaqa umumiy tatil ola.
Tatilde orta ve üyken mektep talebeleri aqça qazanmağa tırışalar. Başlanğıç mektep balaları ise skaut lagerlerine barıp raatlana.
Almaniya.
Almaniyada, tıpqı bizdeki kibi, tatiller er mevsim ola. Lâkin yazda alman balaları eki ay raatlanalar ve bu va-qıtta ocalar olarğa çeşit vazifeler bereler, oquvdan tış bilgi almağa imkân yaratalar. Kerçek raatlıq qışta Rojdestvo bayramı vaqıtında başlana ve bir ay devam ete.