Tangram (ustalıqnıñ yedi tahtası) – qadimiy qıtay eglencesi. Tangram – bu beş üçköşelik (eki büyük, bir orta qarar ve eki ufaq), bir dörtköşelik ve parallelkenardan (parallelogramm) ibaret dörtköşelik.
Bu geometrik şekillerni dağıtıp, olardan çeşit, meselâ, ayvanlarnıñ, adamlarnıñ, binalarnıñ, ösümliklerniñ, oyuncaqlarnıñ, raqamlarnıñ resimlerini yaratmaq (tertip etmek) mümkün. Vazife berilgende resimlerniñ tek kölgesi belgilene.
Eñ esas eki qaide: yedi şekil de işletilmek ve bir şekil diger şekilni qapatmamaq kerek.
Bu meraqlı oyunnıñ şekillerinden 700 yaqın resimni tertip etmek mümkün. O, dünyanıñ eñ belli riyaziyatçılarnıñ (matematik) sevgen eglencesidir.