1783 senesi insan ilk kere puskanen avağa uçtı.
Bunı cesür ağa-qardaş Jozef ve Etyen de Mongolfye becerdiler. Olar yipek bezden puska yapıp, tüp tarafında teşik qaldırdılar ve astından kâğıt yaqıp, içini sıcaq avanen toldurdılar. 21-noyabrde büyük puska eki adamnı köterip, 26 daqqa Parij üstünden uçtı.
1852 senesi Anri Jiffar puskanı idare etmek içün burğu (vint) qullandı, lâkin idare etamadı. F. Tseppelin ise aynı böyle niyetni ömürge keçirdi ve 1897 senesi dünyada ilk dirijabl peyda oldı. Ebet, puskalar başta havflı edi. Yaqarlıqnı yanıña almaq yanğınğa ketire bile edi. Vaqıt keçken soñ puskalarnı gidrogenium (vodorod) ve geliy ile toldurmağa başladılar.
Soñra ise uçaqlar zamanı keldi. Lâkin, açıq avada, etrafnı seyir etip, puskalarda seyaat etmek çoq güzel. Şimdi de puskanen kökke köterilmek eglenmekniñ em de ğayet sevilgen bir sportnıñ çeşiti oldı.