1769 senesi frenk adamı Nikola Künyo yer üstünde özü areket etken üç köpçekli, buv yardımınen çalışqan birinci motorlı araba yarattı. Onıñ suratı saatta 5 km edi.
1789 senesi amerikalı Öliver Evans 19 tonnalı dört köpçekli furgon yasay. 1887 senesi alman Götlib Daymler benzinde çalışqan birinci maşinanı yarattı.
1895 senesi ingliz Lançester avtomobilni pnevmatik köpçeklernen mükemmelleştirdi. Bundan soñ avtomobilniñ inkişafı tez ilerileşti, şekli deñişti. Motorı ögüne keçirildi, araba köpçekleri daa da qaviy oldı. Ağaç yerine demir qullanıla başlandı. Avtomobil kündelik yaşayışqa kirdi.