Raketada birinci uçqan insan – bu Hasan Lagari oldı. Onıñ doğmuş toprağı Qırımdır.
1633 senesi İstanbulda Osmanlı IV sultan Muratnıñ qızına bağışlanğan merasimde Hasan Lagari kökke nasıl uçulğanını taqdim ete. O, mahsus yapılğan kapsulağa yerleşip, barot (poroh) patlavı vastası ile kökke uça. O zamanda yaşağan meşur seyaatçı Evliya Çelebi yaza: “Hasan Lagari, kökke, 300 m yükseklikke uçıp, 20 saniye qadar avada oldı. Soñra, töpede, evelden yapılğan qanatlarını açıp, kapsuladan çıqtı ve Bosfor boğazına qondı”. Hasan Lagari er kesni ayrette qaldıra. O, yapqan emegi içün, sultannıñ adından mukâfat ala. Lagari Qırımda Selâmet Geraynıñ devirinde yaşağan.
Türkiyede Ankara şeerinde Ava quvetleri müzeyinde Hasan Lagariniñ eykeli tiklendi. Bu uçuv alman yazıcısı Erih Raspege ilk kere 1767 senesi neşir etilgen “Baron Münhauzen maceraları” (“Priklüçeniya barona Münhauzena”) eserini yazmaq içün ilham berdi.