Ракетада биринджи учкъан инсан – бу Хасан Лагари олды. Онынъ догъмуш топрагъы Къырымдыр.
1633 сенеси Истанбулда Османлы IV султан Муратнынъ къызына багъышлангъан мерасимде Хасан Лагари кокке насыл учулгъаныны такъдим эте. О, махсус япылгъан капсулагъа ерлешип, барот (порох) патлавы вастасы иле кокке уча. О заманда яшагъан мешур сеяатчы Эвлия Челеби яза: «Хасан Лагари, кокке, 300 м юксекликке учып, 20 сание къадар авада олды. Сонъра, тёпеде, эвельден япылгъан къанатларыны ачып, капсуладан чыкъты ве Босфор богъазына къонды». Хасан Лагари эр кесни айретте къалдыра. О, япкъан эмеги ичюн, султаннынъ адындан мукяфат ала. Лагари Къырымда Селямет Герайнынъ девиринде яшагъан.
Тюркиеде Анкара шеэринде Ава къуветлери музейинде Хасан Лагарининъ эйкели тикленди. Бу учув алман языджысы Эрих Распеге ильк кере 1767 сенеси нешир этильген «Барон Мюнхаузен маджералары» («Приключения барона Мюнхаузена») эсерини язмакъ ичюн ильхам берди.