Танграм (усталыкънынъ еди тахтасы) – къадимий къытай эгленджеси. Танграм – бу беш учькошелик (эки буюк, бир орта къарар ве эки уфакъ), бир дёрткошелик ве параллелькенардан (параллелограмм) ибарет дёрткошелик.
Бу геометрик шекиллерни дагъытып, олардан чешит, меселя, айванларнынъ, адамларнынъ, биналарнынъ, осюмликлернинъ, оюнджакъларнынъ, ракъамларнынъ ресимлерини яратмакъ (тертип этмек) мумкюн. Вазифе берильгенде ресимлернинъ тек кольгеси бельгилене.
Энъ эсас эки къаиде: еди шекиль де ишлетильмек ве бир шекиль дигер шекильни къапатмамакъ керек.
Бу меракълы оюннынъ шекиллеринден 700 якъын ресимни тертип этмек мумкюн. О, дюньянынъ энъ белли риязиятчыларнынъ (математик) севген эгленджесидир.