İş içün:
bir çift ve bir çift qoşağı (episi olıp – 3) ayağıñızğa endi ufaqlıq etken, lâkin teşilmegen çorap; flomaster ya da bor parçası; maqas; azçıq silikon ya da pamuq (toldurmaq içün); yip ve ine; eki boyuncaq kerek.
1. Çift çoraplarnı resimdeki kibi açamız ve biri üstünde ayaqları ve qollarını sızamız.
2. Digerinde kevdesi (tulovişçe) ve qulaqlarını sızamız.
3. Sızıq boyu kesip çıqaramız.
4. Astarına (iznanka) çevirip, tikemiz (ucunda teşik qalmaq kerek). Soñ yüzüne (litsevaya storona) çeviremiz.
5. Pamuq (silikon) tolduramız.
6. Üçünci çoraptan tavşanğa urba tikemiz.
7. Episi qısımlarını kerek yerge tikip qoyamız.
8. Közü olacaq yerge boyuncaq taqamız. Burunçıqnı da tikişnen (vışivka) belgilemek mümkün.
Diqqat!
Eger tavşannıñ qolları ve ayaqları oynağanını (dvigalis) isteseñiz, olarnı kevdege tikip qoşmañız, tikişni qapatıp, kevde içinden biri-birine qaviy yipnen bağlañız.