Лейля АСАНОВА
Багъчасарай ш., «Фиданлар» бала меркезининъ рехбери
Къар данелери уча,
Сувукъ ельчиктен къача.
Ерге яваш къоналар,
Балачыкълар ойнайлар,
Къуванып чапкъалайлар,
Къырдан адам ясайлар.
Чаналарны эгерлеп,
Байырлардан таялар.
Тельмирип, пенджереден,
Балаларгъа мен бакъам.
Азбаргъа чыкъалмайым –
Йибермей мени анам.
Чюнки мен хасталандым,
Оксюрем ве акъсырам.
Аджеба, сувукъланамы
Къардан ясалгъан адам?