Къокъла япмакъ, къокъла иле ойнамакъ адет пек узакъ кечмишке аиттир. Инсан пейда олмасынен къокълалар да пейда олды, демек мумкюн.
Къадимий эдждатларымыз чешит шекилли ташлар, агъач парчалары тапып, озь балаларыны эглендиргенлер. Иште, шу ташчыкълар, агъач парчалары биринджи оюнджакълар эди.
Белли олгъан малюматларгъа коре, биринджи къокълалар Къадимий Мысырда пейда олды. Оюнджакъ усталары шу къокълаларгъа сач такъкъанлар, арекет эткен къол-аякъ ясагъанлар, дюльбер урбалар тиккенлер.
Къадимий Юнанистанда къокълалар агъач ве чулдан, Къадимий Къытай ве Японияда исе чинийден (фарфордан) ясалгъан эдт.
Шимди къокълаларнынъ чешит тюрлери бар. Лякин оларнынъ арасында энъ биринджиси, шубесиз, Барби адлы къокъладыр. Бутюн дюнья къызчыкъларына озюни севдирген Барби къокъласы пейда олгъанына 50 йыл толды. Яни онынъ озю де энди бита яшына кельди, демек мумкюн.
Сонъки вакъытта Къырымда бизим миллий къокълалар да япыла башланды.