Сазагъан акъкъында малюматны ильк керe миляттан эвель II асырдаки Чинде (Китай) тапмакъ мумкюн. Язылгъанына коре, оны пек къолай япмакъ мумкюн. Биз къадимий чинлилерден унер алып, земаневий сазагъанны кокке учураджакъмыз.
Керек оладжакъ шейлер:
50 см ве 30 см узунлыгъында 2 индже чыта (рейка), чешит къалынлыкъта къавий йиплер, скотч, туткъал, калька я да полиэтилен пакети, маркер.
- Чыталарнынъ къыскъасыны орталап, узуныны кенардан 15 см чекилип, хас шекилинде багълаймыз. Бу сазагъаннынъ негизи оладжакъ.
- Чыталарнынъ четлеринде терен олмагъан алкъа кесип чыкъарамыз ве бу алкъаларгъа индже йип багълап, дёрт тарафыны къошамыз. Яратылгъан дёрткошелик устюне кягъыт чекиледжек.
- Сазагъангъа индже кягъыт я да полиэтилен пакетини ачып кермеге мумкюн. Енгиль сазагъан яхшыджа уча. Шекильге коре бираз арткъачыны къалдырып, шу кягъытны кесип чыкъарамыз. Сонъ негизине япыштырамыз.
- Схемагъа бакъып, четлерине индже йип багълаймыз (къавийдже турсын деп, даа скотчнен япыштырмакъ мумкюн).
- Асылып къалгъан йиплерни бир ерге кетире ве бугъумлаймыз. Шу бугъумгъа къалын йип (леер) багълаймыз. Леерни къолда тутаджакъмыз. О, узун олмалы.
- Сазагъаннынъ сюйрю кошесине скотчнен (D нокътасы) шерит я да кягъыттын къуйрукъ багълаймыз.
- Сазагъанны маркернен яраштырамыз.